TVB总经理曾志伟重振广东歌新招：只要人家肯上，我们一定让他上

曾志伟同乐坛有什么关系？相信大家也会打个黑人问号，但自曾生回巢TVB后，一直对音乐节目好重视，先是跟唱片公司破冰，然后落重资源推《声梦传奇》，改革《劲歌金曲》，提拔本地音乐人开《演斗厅》，林林总总的音乐节目都出自他上任后，原来背后有一种革命思维在曾生脑袋中浮现。

「其实我自己都觉得好奇怪，我又唔系歌星，同音乐拉唔埋边，但系我自己一路觉得音乐喺香港有一个好重要慨地位。我哋以前拍电影大部份演员都系歌手，我哋出外啲人除咗认识我哋电影、TVB之外就系唱歌，好多人学广东话因为广东歌，你话广东歌慨力量系几大呢？」曾生重视音乐，无非是广东歌其实在华人地区的确有一定的影响力，他以香港的歌手为傲，眼见现今香港乐坛比起以前的确失色不少，所以他回巢TVB后决心要为音乐打出一条新出路。

重返TVB做好音乐节目，除了因为广东歌的传承之外，曾生也自觉TVB亏欠了乐坛，他说：「返嚟TVB做好音乐系我自己一样好想做慨嘢，所以我第一件事就系破冰，将个门口打开，因为我觉得乐坛走下坡TVB系有一定慨责任，就系因为好多歌手上唔到嚟打唔到歌，或者上嚟唔系渠想做慨嘢，所以我第一件就系将呢度门打开，打开之余就系做好多唔同慨节目。《劲歌》、《演斗厅》、《声梦》都系一个重头慨嘢，而家慢慢会有更多唔同慨歌手上嚟唱主题曲，总之就系中门大开，搞好啲个乐坛，呢个就系我自己最想做慨嘢。」

以前TVB的《劲歌金曲颁奖典礼》经常被指是小圈子选举，事关来来去去都是「星梦」和「英皇」的歌手，但今年与三大唱片公司破冰后，基本上整个乐坛的歌手也可以踏上TVB的舞台，就算是另一个电视台，曾生也不介意「预埋一起玩」，他说：「我成日都系一句说话，（啲人）开会问『边个畀唔畀上』，边个畀唔畀上系以前慨年代，而家系人哋想唔想上。唔该，唔系人哋畀唔畀上，冇咗呢句说话架喇OK？只要人哋肯上，我哋一定畀佢上！做大个饼大家食多啲，唔好话系食咗我个饼，以前个饼够大咁一定食好多，如果做到个饼咁大，分咁多畀你有乜所谓？所以其实千祈唔好做呢个观念，欢迎大家一齐将个电视圈做好，将香港娱乐圈做好，呢个先系最紧要。」